Syria sipai thlawhna tumhmun beitu Israel niin Russia leh Syria-te’n sawi

Syria sipai thlawhna \umhmun nizana thlawhna hmanga beitu chu Israel niin Russia leh Syria Sorkar in an sawi a, thlawhna \umhmun beihna ah hian mi 14 an thi a ni. He \umhmun hi Homs khawpui dai lawka awm a ni a, Tiyas airbase, T-4 tia sawi a ni. Tunhnai maia Syria lo bei tawhtu Israel chuan he thil thlengah hian engmah sawi a la nei lo a, a tirah chuan Syria hian US tihah a puh a ni. Syria rama hel pawlten an awp khuaah chemical ralthuam hman nia sawi a nih mek laiin tun \uma Syria sipai thlawhna \umhmun beihna hi a thleng a, US leh France te chuan Syria khawpui Damascus bul Douma-ah hian chemical ralthuam hi hman a ni tak tak anih chuan na taka beihletah an vau a, US President Donald Trump-a chuan Syria hi hetiang hian a che a nih tak tak chuan a man a pek ngei tur thu sawiin, President Bashar al-Assad chu ramsa ang maia khawsaah a puh a ni.