Syria ramah nimin khan car bomb tihpuah a ni a, mi 18 an thi a, midang eng emaw zat an hliam. Thuneitute chuan bomb hi Idlib-a Syria hel pawl-te awmna hmuna tihpuah niin an sawi a, thi zingah hian civil mi pawh engemawzat an tel niin an sawi. IS mi firfiak pawlte kut a\anga Idlib khawpui lak let a nih a\ang khan helai bialah hian Syria sorkar sipai-ten beihpui an thlak nasa hle a, hel ho awp khaw \hahnem tak an la tawh a, hel pawl tlanchhia tam zawk chu Idlib-ah hian an tangkhang mek nia hriat a ni.
Syria sorkar sipaite hian Damascus khawpui bula sipai \umhmun chu vawiin khan hel pawlte kut a\angin an la fel leh niin Syrian Observatory for Human Rights chuan a sawi a, he \umhmun panna kawng, Harasta-ah sipai 200 vel chu hel pawlte hian December ni 31 a\ang khan an lo dang chat tawh a, Eastern Ghouta-a sorkarin beihpui a thlak tur ven nan hel pawlte hian helai bialah hian beihpui dang an thlak ve a, an inkahna-ah hian mi 160 vel an thi tawh niin an sawi bawk.
