Synod Inkhawmpui vawi 95-na chu tun thla ni 4, karleh Thawhlehni a\angin ni 9, Pathianni thleng Aizawla Electric Veng Biak Inah neih a ni dawn. He inkhawmpui lian hi Electric Veng Bialin a thleng dawn a, inbuatsaihna pawh zawhfel thawkhat a ni tawh a ni.

Inkhawmpui \an ni, karleh Thawhlehniah chuan Nomination Committee an \hukhawm anga, zan lamah Pathian Biak Inkhawm Inlawmna leh Secretary te Report ngaihthlak a ni ang a, ni 5 a\anga ni 8 thlengin Palaiten ro an rel dawn a ni. Zan lamah Pathian Biak inkhawm neih \hin a ni ang. Tun thla ni 9, Pathianniah chuan chawhma inkhawmah Pro. Pastor te Pastor-a nemngheh an ni ang a, hemi bakah hian Pro. Pastor lak thar te dahngheh an ni bawk ang. Chawhnu inkhawmah Lalpa Zanriah Sacrament kilho a ni ang a, zan Pathian Biak Inkhawmah Moderator kal chhuak turin Pathian thuchah a sawi dawn a ni.

Tun \uma Synod Inkhawmpui Thlarau lam thupui atan ‘I ram lo thleng rawh se’ tih hman a ni ang a, he thupui tlawh chhan hian ni 8, Inrinni zanah Rev. Dr. Vanlalnghaka Ralte-in Pathian thuchah a sawi ang.

Synod Inkhawmpuia Puipa turte chu Moderator, Rev. R. Lalhmingthanga
Secretary Senior Upa R. Dengzikpuia, Secretary Junior, Rev. R. Vanlalnghaka
Finance Officers, Rev. PC Pachhunga leh Rev. H. Remthanga, Statistician Rev. R. Lalnuntluanga, Executive Secretaries : Rev. Lalramliana Pachuau leh Rev. B. Sangthanga te an ni.