Hetah hian Moderator kal chhuak ta, Rev. F. Lalrinnunga’n Pathian thuchah a sawi a ni. Nimin, Pathianni chawhma inkhawmah Pro. Pastor 24 Pastor-a nemngheh an ni a, an awmna hmun tur pawh ruahman fel vek a ni. Heng mite bakah hian Pro Pastor tur 17 lakluh an ni a, heng mite tan hian Rev. F. Lalchhuanmawia’n thuchah sawiin a \awng\aisak a ni. Chawhnu inkhawmah Moderator, Rev. R. Lalhmingthanga’n Lalpa zanriah a \heh a, he inkhawmah hian nikum Synod leh kumin Synod inkara Pastor thi 5 s<n an ni. Tun \um Synod rorelnaa thu pass langsar zualte chu kum 2019-20 Synod Budget atan Rs.3,07,70,43,000/- pass te, Family Planning hman vanga Mizorama naupiang tla hniam chu tihtawpa a pung zawnga an awm theih nan Synod Executive Committee-in hma la rawh se tih te, Synod Inkhawmpui nakuma neih tur chu Mission Veng Pastor bialin Mission Veng Biak Inah thleng rawh se tih te a tel a, Secretary Senior atan Rev. R. Vanlalnghaka, Secretary Junior atan Rev. Vanlalrova Khiangte te ruat an ni bawk. Mizo Kristian Inneihna Dan PCI-in a hman mek hi Indian Christian Marriage Act-in a pawm tura hmalak Kolasib Presbytery a\anga rawtna leh ruihhlo do kawngah Synod-in chak zawkin hma la rawh se tih te chu Synod Executive Committee ngaihtuah zui atan dah a ni. Mizoram Synod hnuaiah hian Presybytery 51 a awm a, chungte chu Pastor bial 304-ah \hen an ni a, chungte chuan Kohhran 1,113 an enkawl a, Minister 574 leh Pro Pastor 52, Kohhran Upa 5,234 an awm a ni. Presbyterian Kohhranah hian member 6,04,512 an awm a, chung zinga 4,22,921 te chu dan zawhkim an ni.
