Synod Inkhawmpui vawi 94-na chu vawiin khan \an a ni a, Pathianni thleng a awh ang. He Synod inkhawmpui, Bungkawn Kohhran Biak Ina neihah hian vawiin chhunah khan Nomination Committee an \hu a. Zaninah hian Inlawmna leh Report inkhawm a awm a, Mizoram Synod Choir, Kanhmun Pastor Bial leh Phullen Pastor Bial Zaipawl an zai dawn a ni. Nakt<k a\anga Inrinni thleng, ni tin, zing dar 9:30 a\anga tlai dar 4 thleng, Rorel inkhawm a awm ziah ang a, zanah Pathian Biak inkhawm neih \hin a ni ang. Pathianni chawhmaah Pastor nemngheh leh Pro. Pastor dahngheh inkhawm neih a ni ang a, Chawhnuah Moderator-in Lalpa Zanriah Sacrament a \heh ang a, zan Pathian Biak Inkhawmah Moderator kal chhuak, Rev. Lalzuithanga’n thuchah a sawi ang. Kumin Synod Inkhawmpui Thlarau lam thupui chu ‘Kohhran – Pathian Chhungkua’ tih a ni a, Inrinni zanah Chaltlang bialtu, Rev. Lalbiakni-a’n a sawi ang. Kumin Synod Inkhawmpuiah hian Moderator chu Rev. F. Lalrinnunga a ni dawn a ni.
