A thlahna inkhawm Court Room No 1-a neih-ah Attorney General hlui Mukul Rohatgi chuan Justice Joseph chu roreltu zinga mi lawm leh ngainat hlawh tak a nih thu leh hlim hmel pu reng a nih vangin amah thlaktu tur pawh hetiang mi ni thei se a duh thu a sawi a, sorkar laipui ukil, KK Venugopal leh Supreme Court Bar Association President Vikas Singh leh ukil hlun Indira Jaising-te pawhin Justice Joseph hi an fak hle a, thubuai a khawih dante chu entawn tlak an tih thu an sawi a ni.
Justice Joseph hi kum 2013 March thla khan Supreme Court roreltu atan ruat a ni a, hemi hma hian Kerala High Court-ah judge a lo nih tawh bakah Himachal Pradesh High Court Chief Justice a lo ni tawh bawk a ni.
