Supreme Court-in Rafale indo thlawhna lei chungchanga sorkar ruahmanna-ah rinhlelh tur a awm lo a tih hnuah, Congress lam chuan sorkar laipui an la bei chhunzawm zel a, Parliamentary Public Accounts Committee, PAC-in sorkar sum hman dan chhinchhiahtu, Comptroller and Auditor General, CAG report a hmu lo niin an sawi.

PAC Chairman leh Congress hruaitu hlun, Mallikarjun Kharge chuan sorkar laipui hian CAG chungchangah Supreme Court hi thu dik lo a hrilh niin a sawi a, Rafale indo thlawhna leina CAG report hi PAC-ah thehluh a nih loh thu leh chhui chian a nih tur thu leh PAC hmaa inlan turin CAG mi leh sa an ko dawn tih a sawi bawk a ni. Kharge hian Supreme Court-in thutlukna a lo siam tawh chu a zah tho nain, thil awm dan chhui chiang tur chuan Joint Parliamentary Committee din a ngai a ni a ti bawk a ni.