He lungalhthei khur hi dan phal loha ama thupek anga lungalhthei laichhuah nan hman a nih avangin mi tang 15 te lak chhuah kawngah mawh phurtu niin a sawi a, heng mite lakchhuah an nih theihna tura ngenna Court-a awm chungchangah pawh lungalhthei khur neitu hi mawhphurtu a ni tih sawiin, tun thla ni 22 hma ngeiin, a insawifiahna Court-ah thehlut turin a hriattir a ni.
Supreme Court chuan Meghalaya and Coal India Ltd chu an state chhunga dan lova lungalhthei laichhuah a nih dan chungchang kimchang taka thil awmdan sawifiah turin a hriattir a ni. East Jaintia Hills-a Ksan-a lungalhthei laichhuahna khura tang mi 15 zingah ruang pakhat chu lakchhuah a ni tawh a, ruang pahnihna hmuh erawh chu lakchhuah theih a la ni rih lo a ni.
