Rajeev Kumar-a hi Shillong, Meghalaya-ah Central Bureau of Investigation hmaah thu zawh fiah turin a inlan dawn a, Court chuan Kumar hi man a thiang lo tih a sawi bawk a ni. Chief Justice of India Ranjan Gogoi-a kaihhruai bench chuan Kumar hi notice an thawn tawh bawka, CBI-in chit fund-a pawikhawihtute humhima a puhna chungchanga hearing neih leh hun February ni 20 hmain chhanna thawn leh turin thu a pe bawk a ni. Supreme Court chuan CBI-in an puh West Bengal chief secretary, Director general of police leh Kolkatta Police commissiner te chu February ni 18 hmain an channa thehlut turin a ti bawk a, Supreme Court secretary general chuan heng mi pathumte hi court-a an inlan a ngaih leh ngaih loh a ni 20 hmain a hriattir dawn a ni. Lungawilohna lantir mek Bengal CM Mamata Banerjee chuan Supreme Court thupek hi mipui rorelna tan hnehna a ni a ti a ni.
CBI hian Rajeev Kumar-a laka thubuai an siam avang hian Rajya Sabha-a \hutkhawmna chu tihbuai a ni a, TMC MP Derek O’Brien-a chua hemi chunghang hi sawichhuah a tumlaiin Chairman M Venkaih Naidu chuan phalna a pe duh loa, TMC kaihhruai eptu pawl te chuan inkhawmna chu tihtawp phutluiin lungawilohna an lantir a ni.
