Court-a roreltu pathum, Chief Justice Ranjan Gogoi kaihhruaite chuan sorkarin J&K chungchanga a hmalak dan chu chu ram pum tana hlawkna ni thei se an duh tih an sawi a, Justice SA Bobde leh SA Nazeer te chuan Kashmir phairuam khuahkhirh chungchang chu J&K High Court-ah chinfel ni rawh se an ti bawk.
Hetihlai hian sorkar chuan khuahkhirhna hnuaiah silai hmetpuah a awm loh bakah nunna chan pawh an awm lo tih Court an hrilh a ni.
Sorkar laipui Ukil, Solicitor General, Tushar Mehta chuan Police station 93-ah khuahkhirhna hlih a ni tawh thu Court chu hrilhin, Ladakh-ah khuahkhirhna kalpui a ni ve lova, state hrang hrangah OPD, damdawi zawrhna leh vantlang thil semna dawr te pawh hawn vek a ni tawh tih a sawi bawk.
