He thutlukna hi Supreme Court chuan April thla khan a lo siam tawh a, hei hi Gujarat sorkarin ngaihtuah nawn tura a thlen chu Court hian a hnawl a ni.
Kum 2002 March thla khan Bilkis Bano-i te chhung hi Randhikpur khuaah mipuiin an bei thut a, nau thla 5 mi pai mek Bilkis-i hi pawngsual rawn a nih bakah a chhungte thahsak an ni a, kha intualvuaknaah khan Bilkis-i chhung leh khat mi 14 te thah an ni a, a fanu kum hnih leh a chanve mi a pawmlai chu pawh thlak sakin thah sak a ni bawk.
Kum 2008 January thla khan Special Court chuan Bilkis-i pawngsualtu leh a chhungte thahsaktu mi 11 te chu dam chhung lung in tang turin a lo hrem tawh a ni.
