Kum 2009 khan danhremi pahnih Ravikant leh Sukumar te chuan khatih hunlaia rorelna chelhtu Mayawati sorkar chu state chhunga nitin ei khawp nei zo lo tam tak an awm laia cheng vbc engemawzat hmanga an party mi lim te, an party dintu Kanshi Ram limte leh an party chhinchhiahna sai lim te an din chu thil kalphung a ni lo tiin Supreme Court-ah an zualko a, kum 2012 khan assembly election hmain Election Commision chuan heng lim te hi khuh bo turin thu a pe a, kum 2014 khan Bahujan Samaj Party te chuan heng lim te din nana sum sen hi Uttar Pradesh assembly-a budget pass hmanga siam a nih thu an sawi a ni
Chief Justice Ranjan Gogoi, leh Judget dang Deepak Gupta leh Sanjeev Khanna te chuan mahni lim din emaw political party theh larna’n emawa mipui sum hman chu khap ni se tia ngenna lut hi an ngaihtuah a, Mayawati hian mipui te sum a hman chu ama pawisa ngeiin state treasury-ah rul let turin ngaihdan an siam a, he thubuai hi April ni 2 hian hearing neih leh a ni dawn a ni. BSP chuan hearing hi inthlan zawh May thlaa neih an dilna chu hnawl a ni.
