Central sorkar chuan heng lehkhapawimawhte hi tlangzarh anih chuan ram venhimna kaihhnawih thil chi hrang hrang, van thengreng thiamna te, nuclear ralthuam chungchang te, india sipai chakna leh theihna kaihhnawih te, intelligence lam kaihhnawih leh mifirfiak te beihletna lam kaihhnawih thil te puanzar tel a ni dawn a, hei hi ram tan a him lo a ni a ti.
December 2018-a Rafale inremna chungchanga court in thutlukna a lo siam tawh chungchang ennawn tura ngenna lut-ah central sorkar hian Supreme Court ah hian affidavit hi a thehlut a, Rafale indo thlawhna lei tura inremna chungchang chanchinbu leh thil danga lo lang te chu behchhan mumal awm lo leh finfiahna awm lo a ni tih Central sorkar hian a sawi bawk. Supreme Court chuan hemi chungchang hi May ni 6-a ngaihtuah leh turin a dah a ni.
