He thubuai hi London-a Bryanston Square-a in hmun pound mtd 1.9 man leinaa pawisa tih chingpen chungchang nena inkungkaih a ni a, Vadra hian bail a dil hnuah Delhi Court chuan February ni 16 thleng bail pein, he thubuai chhuitu central probe agency te chu thawhpui turin thu a pe a ni.
Thuhretute sawidan chuan Enforcement Directorate hmaa a inlan hunah Vadra hi London-a inhmun lei chungchang hi zawhfiah ni dawn a, a chhanna te hi Prevention of Money Laundering Act hnuaiah record a ni dawn a ni.
Agency hian London chhungah inhmun dang engemawat Vadra hian a nei tih an hriat thu an sawi a, a inhmun neihte hrilh turin Enforcement Directorate chuan an duh thu an sawi a ni.
Vadra chuan a bail dilnaah a laka thubuai siam hi politics thila inbeihna niin a sawi.
