Enforcement Directorate chuan Sterling Biotech company-in Andhra Bank a\anga cheng vbc 5000 loan tih chingpen chungchang an chhui mek-ah thuneitute thamtu nia an hriat Ranjit Patel tia koh thu an zawhfiah mek thu an sawi a, thamna pawisa hlan tura an mi tirh, Rakesh Chandra inpuanna leh he thila inhnamhnawihte inbiakna leh pawisa inthawnna lehkha pawimawhte pawh an kawl tawh niin an sawi bawk a, Rakesh Chandra hian pawisa dahna hmun nia a sawi chu Ahmed Patel-a chenna in, Delhi-a House Number 23, Mother Teresa Crescent Road a nih thu an sawi bawk a ni.
Ahmed Patel chuan he’ng puhna te hi thudik lo leh behchhan mumal nei lo niin a sawi ve thung a, Augusta VIP Helicopter leinaa dik lo taka sum hman a nih chungchanga puh a nihna te nen danglamna a awm lo niin a sawi bawk a ni. Augusta VIP Helicopter thubuai-ah hian Enforcement Directorate chuan Ahmed Patel-a fapa Faisal Patel leh an makpa pawh an inrawlh ve niin an lo sawi tawh bawk a ni.
