President Omar al-Bashir an paihthlak hnuah mipui te chuan sipai rorelna hnuaia awm an duh loh thu leh thuneihna inhlan chhawnna endik turin mipui din pawl an duh thu an lo sawi tawh \hin a, US chuan sipai hotute chu sorkar thar dinna-ah hian mipuite’n chanvo an neih theih nan hma la turin a chah a, EU pawhin Sudan sipaite chu a hma thei ang berin mipuite kuta thuneihna hlan tur leh sorkar thar din tumna chu puitlinn ngei turin a ngen bawk a ni. Sipai hotute chuan thuneihna inhlan chhawn chungchang sawiho tur hian political party-te chu Inrinni hmain an aiawh mi pahnih ruat turin a hrilh a ni.
He tih lai hian sorkar thuneihna inhlan chhawnna hi felfai taka endik a nih theihna’n sipai hotu, General Awad Ibn Ouf chuan a ban thu leh a ai awh turin Lieutenant Genreal Abdel Fattah Burhan a ruat thu a puang a, sipai eptu pawl Sudanese Professional Association chuan Ibn Ouf banna thehluh hi mipui te hnehna pakhat niin an sawi a ni.
