Tlabung MZP chuan vawiina thuchhuah an siamah, hnam dangin fa an hring tam zawk hrim hrim chu thil mak lutuka an ngaih loh thu leh, an tam fal lutuk erawhin an ngaih a tihthat loh thu an tarlang a, Tlabung chu ram pahnih inrina bula awm a nih avang leh, awlsam taka ramri kan theih a nih avangin, Tlabung damdawi ina nau neite chu India khua leh tui vek an ni tih rin ngam harsa an tih thu an sawi.
Tlabung MZP hruaitute sawi danin, kum kal ta 2019 khan Tlabung damdawi inah naupiang 197 awmin, an zinga 22 tih loh a bak naupiang 175 chu hnam dang vek an ni a, heng naupiangte tan hian birth certificate siam zel a nih thin avangin, chu chu India khua leh tui nih theihna tur remchangah a hman theih dawna an hriat thu, Tlabung MZP hruaitute chuan an sawi a ni.
