Zonet zawhna chhangin Mizoram police hotute chuan, tun hnaia khaw \henkhata hnamdang tu tih hriat lohten naupang rukbo tumin an bei nia sawi chu an chhuzui nghal zel tih an sawi a, thil thleng nia sawite hi a dik tih finfiah theih a la awm lo tih an sawi.
Police officer pakhat chuan Guwahati lama police hotu \henkhat leh Thana \henkhat a biak pawhin mihring taksa bung duh vanga naupang man ang chi hi hriat an neih loh thu an lo hrilh tih a sawi a, niminpiaha Lunglei khaw chhunga naupang pahnih rukbo nia sawi pawh thu dik lo a ni a, Kolasib-a naupang kum 4 mi rukbo anga thu thang pawh thu dik lo a ni tih finfiah leh nghal a ni bawk.
Nimin tlai lama Lungpher khuaa mipa naupang pahnih te Vai Maruti Van-a chuangten man an tum nia sawi pawh Mizoram police te chuan an chhui zui nghal tih an sawi a, motor an sawiin a pan lam nia sawiah te a \ul anga enfiah turin Police te hriattir an ni tih an sawi. He thil hian mi tam tak a ti ralkhel nasa hle a, YLA Sub Hqs Sangau leh South Vanlaiphai Group YMA te chu duty an insiam nghal a, South Lungpher khuaah pawh YLA te an duty nghal bawk a ni.
Keitum naupang September ni 19 tlai thim hlima hnamdangin an man nia sawi pawh Mizoram Police te chuan an chhui zui nghal a, Police leh CID ten he naupangin beih a tawh na hmun nia sawi leh a chhehvelte an endiknaah hnuhma hmuh tur a awm tawh loh avang te, a bulhnaia awmte thil an zawh fiah hnuah pawh chhui zuina tur an hmuh loh avangin, kawng dangin a chhui zui hna hi an thawk dawn tih an sawi.
He thil thleng avang hian Keitum Joint NGO meeting chuan hnadang ILP endikin mikhual chamrei te pawh endik an rel a, sumdawng leh thil zuar te in tina an luh kual khap an rel bawk a ni.
Thu thang chi hrang hrang te hi finfiahna mumal tak la awm lo mahse, mihring hmanga sumdawnna chu khawvela pawikhawihna hluar tak a nih avangin, engtiklai pawha fimkhur erawh a \ul tih Police te chuan an sawi.
Naupang ruk ching tih thu thang avang hian State dangah pawh pawisawi lo, mipui pungkhawmin an chil hlumna a lo thleng fo tawh \hin a ni.
