Pathianin Mizoram chu thing leh mau leh ram hring nuam tak min pe a, heta ramhmul a dahte chu engemzawzat damdawi atana hman \angkai awm tawh mah se, hei aia tam hai chhuak tura \anlak a ngai tih a sawi. Dr. R. Lalthangliana chuan, Mizoramah ramhmul damdawi hrang hrang 1200 vel awm anga hriat a nih thu sawiin, an pawimawhna leh tangkaina zirchiang tura nasa zawka beih a ngai a ni, a ti.
State Medicinal Plants Board Member Secretary Dr. F. Lallianhlira pawhin, medicinal plan lama AYUSH hmalakna chuan rah\ha a chhuah zel tih a sawi a, man tlawm leh side effect nei lo, ramhmul damdawi hrang hrangte chu a lar chhoh zel an beisei tih a sawi. State Medicinal Plants Board hi National Medicinal Plants Board hnuaiah kum 2001 khan din a ni a, kum 2015 a\angin AYUSH Department hnuaia dah a ni a, National AYUSH Mission hnuaiaah hian Sihphir, Kawnpui, Serchhip leh North Vanlaiphaiah ramhmul damdawi chin a ni a, Nghalchawm, Keifang, Thenzawl, Tuirial leh HorticultureDepartment leh MZU-a Aromatic and Medicinal Plants-ah nursery siam a ni bawk.
Inkhawm hi AYUSH Dy. Director, Dr. S. Mara Thansiami’n a kaihruai a, State Medicinal Plants Board CEO Dr. Lalkhawngaihi Renthlei-in thu a sawi a, mithiam ten ramhmul damdawi chungchang an zirtir a ni.
