State level Federation of Co-operative Co-Ordination Committee chu vawiin khan Aijal Club-ah an \hukhawm a, a hmanpuitu Chief Secretary Pu Lalnunmawia Chuaungo chuan, Mizorama sum lut te vai rama a liam thlak lohna tura Mizoram chhunga indawr tawnna tih tam leh sum leh pai tih vir tam a pawimawh tih a sawi.

Mizoram pawna Hqrs. nei mimal Bank leh Commercial Bank te dawr lovin Mizoram chhunga Hqrs nei Apex Bank leh Primary Agriculture Credit Cooperative Sociaety ah te sum dah a loan puk uar chu ram tihhmasawnna tura pawimawh a nih thu Chief Secretary hian a sawi a, cooperative tih hmasawn kawnga rawtna leh sorkar tih tur awm te chu a hnena thlen \hin turin a chah a ni.

State level Federation Of Co-operative Co-Ordination Committee meeting-ah hian Cooperative hmanga ram leh hnam tih hmasawn dan tur hrang hrang huamzau takin an sawi ho a, \hutkhawmna hi Apex Bank Chairman Pi T Lalmuanpuii’n a kaihruai a, General Secretary MIZOFED Chairman Pu K Laldawngliana’n an pawl hmalak dan te a sawi a ni.