Integrated Disease Surveillance Programme(IDSP) chuan January ni 1 a\anga ni 13 chhungin swine flu avanga thi mi 49 leh he hri vei 1,694 hmuhchhuah an ni tih a sawi a, heng mi te hi Delhi, Gujarat, Punjab, Haryana, Uttar Pradesh, Andhra Pradesh, Tamil Nadu leh Telangana mi te an ni a, state engemawzat chu an inralring nghal a, Rajasthan bikah chuan hemi hun chhung hian mi 31 in an thihpui tawh a, Rajasthan Health Department chuan thla 13 chhungin swine flu kai zat hi 1,000 chuang an ni tawh tih sawiin, mi 200 ai tam an thi tawh tih a sawi.
Union Health Ministry chuan state sorkar te chu mipuite hnenah swine flu a darh theih dan leh a inven dan chungchang zirtirna pe tur leh a kai-te enkawlna tur damdawiinah khum indaih tawk ruahman tur leh damdawi pawh ngaihtuah lawk turin thurawn nena inpeih turin thurawn a pe a ni.
H1N1 influenza, Swine Flu tia koh \hin bawk hi vawkin a vei \hin a, type A influenza virus avanga thawk lama harsatna thlen thei natna hrik hi inkaichawn awl tak a ni a, mihring te’n an kai ve thei lova ngaih \hin a ni nain, tun hnaiah mihring te’n an vei ta zauh zauh a, a veite hi a tlangpuiin vawk nena inhnaih taka awm, vawk enkawltute emaw vawk bula cheng naupang te an ni tlangpui a, mihring leh mihring te pawh an inkaichhawng thei a ni. Fortis Hospital ami Dr D.S Chaddha chuan naupang kum 5 chin hnuailam leh puitling kum 65 chunglam te, chuap lama harsatna nei sa leh asthma vei te, tha leh tihrawl lama harsatna nei leh diabetes veite, puitling thau lutuk te bakah raipuar te tan a hlauhawm bik tih a sawi.
