State hrang hrang larsap inkhawmpui tan a ni

State hrang hrang larsap inkhawmpui chu nimin khan New Delhi-a Rashtrapati Bhavan-ah \an a ni. He khawmpui-ah hian state hrang hrang larsap-te bakah, UT Lieutenant Governors te leh Union Minister \hahnem tak an tel ve a, nimina a hawnna inkhawmah President Ram Nath Kovind chuan larsap-te chu state sorkar kawng kawhhmuhtu leh sorkar laipui nena an inlaichhinna ber an nih thu a hrilh a, hnam hnuaihnung, Scheduled Tribe leh dinhmun chhe zawkte ngai pawimawh tur leh zirna tihchangtlun kawnga hnathawh chawl ngai lo turin a chah bawk a ni. Khawmpui hawnna-ah hian PM Narendra Modi pawhin thu a sawi a, tawnhriat an lo neih tawhte state sorkar zirtir chhawng \hin tur te leh sorkar laipui hmalakna mipuiten a hlawk thei ang bera an chhawr theih dan tur ngaihtuah pui \hin tur tein a ti bawk a, India mi, tribal hnam \hahnem tak, ramin zalenna a sualna kawngah pawh thawh hlawk tak tak an awm thu te leh he’ng mite thil lo tih tawh te chhinchhiah leh dah\hat \ul a tihzia te a sawi bawk a ni.