Supreme Court chuan state leh union territory zawng zawng chu hmundanga inhlawhfa, mahni state \heuha haw tawhte hming la khawm a, eng hna nge an thawh tih tarlang vek turin a hriattir a, state tin sorkar leh sorkar laipui chu inkharkhip tawp huna an inhlawhna tur ngaihtuahsak turin a ngen bawk.
Judge pathum, Justices Ashok Bhushan, Sanjay Kishan Kaul leh MR Shah te chuan hmundanga hnathawka awm, tangkhang, rel emaw bus emaw hmanga haw turte chu an hawna man laksak lo tur leh tui in tur leh eitur chhawp sak turin state sorkar tinte an ngen bawk a ni.
Sorkar laipui aiawhtu, Solicitor General Tushar Mehta chuan railways-in tun thla ni 3 thleng khan a bika ruat, Shramik Rel 4,228 a service tir tawh a, mipui nuai 57 an hruai haw tawh tih a sawi a, mi nuai 41 vel kawngpui pangngai zawha haw an awm tawh tih sawiin, khawpuia inhlawhfa, mahni khaw lama haw tawh chu mi vbc 1 an tling \ep tawh tih Court a hrilh a, Mehta chuan Shramik rela chuangte hnenah tui, eitur leh damdawi an pek loh avanga thi an awm loh thu Supreme Court chu a hrilh bawk.
