State Bank of India in an hnena sum dahtute hnen atanga chhiah lakna, TDS deduction system kalpui \an an tum duh loh avanga NGO Coordination Committee in Mizorma SBI hnathawktute dan nise tih an lo rel tawh chu naktuk zing dar 9 a\angin a taka kalpui \an a ni dawn.

Mizoram hmun hrang hranga SBI branch te chu hnathawk thei lova dang turin Central YMA chuan YMA Branch hrang hrang a hriattir a, Aizawl khawpui bika duty turte chu zanin hian inkokhawmin an hmalak dan tur an sawiho dawn a ni. Central YMA General Secretary Pu Lalhmachhuana chuan Zonet zawhna chhangin SBI lamin thuchhuah an siam pawh zanin inhmuhkhawmnaah hian an sawiho nghal dawn tih a sawi.

Hetihlai hian Mizoram bialtu SBI Regional Manager thuan thuchhuah siamin TDS deducation chu Mizorama SBI duh dana kalpui tum a ni lo niin a sawi a, Income Tax Dept. dan anga hun rei tak lo kal tawh, chumi zulzuia SBI System te configure a ni tih an sawi a, hun kha leh chen Mizoram bikah TDS deduct lo tura siam a nih laiin, Income Tax pe ngei tur si, TDS deduct lo an awm theih avangin Bank system te TDS deduct tura configure tura tih a ni ta niin an sawi

Mizoram SBI chuan Mumbai-a SBI Corporate Level-ah pawh hetianga Mizo tribal te tana chhiah lak kalpui ve lo turin hma an la mek niin a sawi bawk a, NGO Coordination Committee ten SBI hnathawkte office kal tur naktuk a\anga dan an tum chu ngaihtuah nawn leh turin an ngen tih an sawi a, inbiakpui an sawmna chu NGO Coordination lamin an tihhlawhtlin sak thei lo nia sawiin, harsatna hrang hrang thleng theiah mipuite hriatthiamna an ngen tih an sawi.