Stadium leh sports complex te hawn tan sorkar laipuiin a phal tak avangin Sports Authority of India in infiammiten inbuatsaihna an neih dan turah inkaihhruaina Standard Operating Procedure SOP a duang.

SOP ang hian infiammite chuan a tahtawlin training an chhunzawm dawn a, SAI hian infiamna chi hrang hrangte chu hlawm 4 ah thenin, infiammiten an zawm tur inkaihhruaina chi hrang hrang a duang a ni.

Infiamna hlawm li-a thente hi, non contact, medium contact, full contact leh water sports te a ni a, hlawm tinah hian infiammiten an zawm tur inkaihhruaina duan a ni.