Federation of Mizoram Samagra Employees chuan, SSA leh RMSA hnuaia thawk Association hrang hrangten tun hma a\angin an service leh hlawh chungchangah sorkar an lo dawr tawh \hin tih an sawi a, an hlawh pawh kum 2011 a\angin tun thlengin ennawn emaw, siam\hat emaw ala awm loh thu te an sawi a, Samagra hnuaia thawkten Samagra inkaihhruaina anga Regular Pay Scale neihte, Education Dept. hnuaia hnalak a nih dawnin Samagra hnuaia lo thawk tawhte zaa 70 hauhsak te an phut a, Samagra inkaihhruainaah zirtirtute hlawh chungchangah state sorkar inrelbawlna dinglai anga pek ve tur tih nimahse trained graduate leh trained undergraduate te anga hlawh pek an ni ve lo chu an hriatthiam loh thu an sawi.
Federation of Mizoram Samagra Employees chuan, an thil phut chungchangah Chief Minister leh Education Minister pawh an lo dawr tawh tih an sawi a, mahse awmzia a nei lo hle tih sawiin an thil phut a hlawhtlin theih nan mass casual leave an la ta a ni an ti. Federation of Mizoram Samagra Employees ten mass casual leave an lak avang hian District hrang hranga Samagra hnuaia zirna In 600 Primary, Middle, high school, Higher secondary School ah zirna kalpui theih a ni lova, hei bakah SSA leh RMSA hnuaia Office hrang hrangte chu hnathawk thei lova awmin thawktu dawr tur an awm lo niin an sawi.
Hetihlai hian Samagra Siksha State Project Director chuan nimin khan thupek ti chhuakin, lungawi lohna lantira a huhova casual leave lak chu sorkarin a ngai thutak hle tih sawiin, an chawlh lak ai chu an hlawh a\anga paih tur a ni tih thupek a ti chhuak a ni.
