SSA Mission leh Central YMA-in Mizorama zirna kawnga thawh dunna atan vawiin khan thu an thlung a, hemi puala inkhawm, School Education Directorate Conference Hall-a vawiin chawhnua neihah SSA Mission aiawhin State Project Director, Pu Lalhmachhuana’n a hming a ziak a, Central YMA aiawhin President, Pu Vanlalruata’n a hming a ziak a ni. He inkhawmah hian School Education Minister, Pu H. Rohluna chuan Central YMA leh SSA Mission inkara Mizorama zirna tihhmasawnna tura thawh dunna thuthlung siam a ni chu thil lawmawm leh zirna lama hmasawnna tur niin a sawi a, YMA chu Mizoram tan pawl chhenfakawm leh kawng engkima kutke nih tling a ni tih sawiin, sikul kai duh lo leh kai thei lote pawh sorkar Department a\ang ringawt ni lovin he thawhhona a\ang hian um zui a, lehkha zirtir tura hruai theih a beiseiawm niin a sawi.
SSA State Project Director, Pu Lalhmachhuana pawhin zirna lama Central YMA nena thawh dunna chuan kum 12 a tlin tak thu te, hemi chhunga hlawhtlinna tam tak an hmuh thute sawiin, an thawh dunnaah hian naupang kum 6 leh kum 14 inkar, school lut lo zawn chhuaha, school-a an kal theihna tura \an lak ho an tum tur thu a sawi a, hemi bakah hian naupang rualbanlote chunga mipui vantlang rilru puthmang dik lo siam \hat ngaite siam \hat tum a ni dawn niin a sawi bawk. State Project Director chuan an thawh dunnaah hian Group, Sub.Hqrs leh General Conference neih huna zirna lama beihpui thlak dan tur te, zirlaiten ngaihsan tur dik ngaisanga, ngaihsan loh tur dik an hriat theihna tura inzirtirte a huam dawn niin a sawi bawk. State Project Director chuan kum 10 liam taah khan Mizoramah school lut lo, naupang 26,000 chuang an awm a, tunah erawh chuan YMA nena an thawhdunna a zarah school lut lo chu nasa takin an tlem ta niin a sawi a ni.
Central YMA President, Pu Vanlalruata pawhin thawh dunna thuthlung an siam chuan rah a chhuah ngei a beisei thu te, Mizoramah \halai kum 18 bawr vel zingah ruihhlo ti thar an pun thu te, \halaite nun dan siam \ha tura zirna hmanga huam zau zawka \an lak a \ul thute a sawi. He inkhawm hi School Education Secretary, Pi Esther Lalruatkimi’n a kaihruai a ni.
