J&K-a mi firfiak leh hel pawlte, pawisa pe-a puih an nih thin chungchang chhui chiangtu, National Investigation Agency-in Delhi leh J&K khawpui, Srinagar-a hmun 27 vel a dapnaah tangkafai cheng vbc. 2 leh nuai 20 vel an man a, puan tawh angin, NIA chuan nimin khan he thila inhnamhnawiha rinhlelhte chenna in leh pisa a dap a, heng mite hian dan lo-a sum khawihna, hawala hmangin mi firfiak pawlte hi tanpuina sum an pe thin nia hriat a ni. NIA thupuangtu sawi danin, hmun 27 an dapnaa tangkafai, cheng vbc 2 leh nuai 20 an man bakah hian khawl lam thil chi hrang hrang – laptop, mobile phone leh hard drive man a ni bawk a, hawala sumdawngte nena an indawrna leh India leh Pakistan inrina, Line of Control-a company hrang hrangte insumdawn tawnna chungchang inziahna lehkhabu bakah J&K-a bank account lehkha pawimawh man a ni bawk.
Chanchin Thar Srinagar-ah NIA ten tangkafai cheng vbc 2 leh nuai 20 man
