Rajapaksa hian amah rin tawk lohna motion \um hnih lai a paltlang zawh tawh loh avangin Parliament member te chu a lakah an lungawi lo a, dan ang taka a dinhmun luah zo tawh lo anih avangin sorkar sum hmang thei tura thuneihna pawh a nei tawh lo a ni an ti. Finance Minister hlui Ravi Karunanayake sawi danin hetianga parliament in hma a lak takah hian Prime Minister chuan hna a thawk thei dawn lo a, hetiang bawka budget tih hniamna tur motion hi parliament chuan a ngaihtuah leh dawn tih a sawi bawk. Motion hi member 225 awmna Parliament ah member 123 in an pawmpui a, a pawm lo zawnga vote thlak an awm lo a ni.
Thla kalta khan Sri Lanka President Maithripala Sirisena chuan prime minister hlui Ranil Wickremesinghe chu paihin, Rajapaksa hi Prime Minister ah a ruat a, hemi hnu hian Sri Lanka sorkar buaina hi a zual chho ta zel a ni.
