Sri Lanka-ah thli leh ruahpui thawk, mi 4 thi

Sri Lanka-ah thli leh ruahpui thawk nasa avangin mi 4 an thi a, mi dang 23 chin hriat lohin an awm. Sri Lanka khawthlang lama Arabian Sea a\angin thli leh ruahpui hi a thawk a, cyclone-ah a chan thuai rin a ni. Chin hriat loh zinga mi 13 chu sangha mantu an ni a, a zawng turin Sri Lanka lawng sipai-te tirh chhuah nghal an ni. Hemi chungchangah hian India Meteorological Department pawhin inralring turin Kerala leh a chhehvela cheng, mipuite a hriattir tawh a, Sri Lanka a\anga Chennai leh Bengaluru pan tur thlawhna te pawh hmun dangah \umtir an ni. Sri Lanka sorkar pawhin darkar 12 chhung chu thli leh ruahpui hi a la thawh dawn avangin, mipuite chu pawn chhuak lo tur leh fimkhur turin a hriattir bawk a, khaw chhia hian an ram khawpui, Colombo pawh a thlen thuai a rinawm niin a sawi bawk.