Sri Lanka-a sakhaw pahnih buaina-in ziaawm lam pan

Sri Lanka-a Muslim leh Bhuddhist sakhawbetute inkara buaina chhuak chuan ziaawm lam a pan \an deuh nia hriat a ni a, buaina chhuah dan leh buai chhunga pawikhawihna chi hrang hrang-te chhui chiang turin Investigation Team din a ni tih an ram President, Maithripala Sirisena chuan a sawi. Puan tawh angin Bhuddhist-te chuan Muslim mi ten an sakhaw hmun tibawrhbang leh Muslim-a mi in leh luih tira an puh avangin, Muslim-mite chenna in leh dawr-te an hal a, an intihbuai chhung hian mi 3 an thih bakah, midang 20 an hliam a, Muslim mi-te chenna in leh dawr hmun 200 vel tih chhiat a nih bawk a, Muslim biakin 11 tihchhiat a ni bawk a ni. Buaina chhuak vanga curfew ni li chhung puan a nih hnuah, nimin leh vawiin lamah khan Muslim mi-te chu sipai-te venhimna hnuaiah an inkhawm a ni. Plice-te chuan he buainaa inhnamhnawiha puh mi 150 an man tawh tih an sawi a, an mi man zingah hian buaina tichhuak tu bera ngaih, Amith Weerasinghe pawh a tel tih an sawi bawk a ni.