Police thupuangtu Ruwan Gunasekera chuan Easter-a pawikhawihna thleng an chhuinaa kal zelah Virtusa hnathawk hi April ni 27 khan man a ni tih a sawi a, thuneitute’n Colombo-a Virtusa pisa hi an dapnaah mi 3 ten tuna an mi man hi pawikhawihnaah a inrawlh thu an hrilh tih a sawi. Virtusa hotu Julianne Garry chuan an hnuaia hnathawk hi venhim a nih theih nan tualchhung thuneitute nen an inbiakpawh thu a sawi a ni.
Sri Lanka-a pawikhawihna thlen hnu hian rinhlelh kai engemawzat man an ni tawh a, ISIS pawlin an tih nia an chhal hnuah ram venhim hna hi ngawrh leh zuala thawh a ni a, sipai hotu Mahesh Senayake chuan ram venhim hnathawkte’n pawikhawihna nena inkungkaih network tam zawk chu an \hiat tawh tih sawiin an ram-in ngai a awh leh tawh tih a sawi.
