State Training Centre Tanhril-a Dormitory Building sak thar hawn paha thu sawiin Pu Robert Romawia Royte hian Youth Affairs lam chu budget awm manglova hun rei tak kalpui a lo ni tawh a, kalphung thlak danglamin hemi lamah hian sum dah tum a ni a ti.
Dormitory Building hawn thar tak leh a panna kawng siamna tur hian kum 2017-2018 khan sorkarin cheng nuai 120 a ruahman a, kum 2018 khan hna thawh \an a ni a, tun thla ni 9 khan zawh fel a ni. Dormitory Building sak nan hian cheng nuai 113 leh a panna kawng siam nan cheng nuai 7 ruahman a ni a, Dormitory Building RCC Building chhawng hnih a sang a ni a, Basement-ah hian Dormitory Room Pathum, Manager Room Pakhat, Toilet Pathum leh Bathroom Pathum te dah a ni a, a panna kawng hi PCC Flooring Approach Road metre 92 a thui leh metre 3 a zau a ni.
Sports Minister Pu Robert Romawia Royte hian Mizoram-ah ruahtui a tlak rei \hin avanga Bharat Scouts & Guides camper ten harsatna an tawh \hin chu sorkarin a hriatpui tih a sawi a, hemi sutkianna tura Dormitory Building hman theiha peih a ni ta chu lawmawm a tih thu a sawi. Minister hian State Training Center a NCC cadet 200 training te a titipui nghal a ni.
