He thu hi vawiina Hnam Run inkhawmah sawiin, Pu Robert Romawia Royte chuan, State dangte neih loh chanvo \ha tak 53rd Constitutional Amendment Act, 2007 hmangin Article 371G Mizoramin a nei tih a sawi a, hei hian sakhuana, hnam nun leh hnam inrelbawlnate bakah Zoram chhunga ram neitu nihna leh ram tihral chungchangahte Parliament-in Dan siam mah se, Mizoram Assembly-in resolution hmangin a pawmin a thlauhthla thei a, heng subject-ah te hian Sorkar laipuiin tih luih theina a nei lo niin a sawi. Pu Robert Romawia Royte chuan, MNF Party chu a din dan leh din chhante, a huam chinte chu Party dang ang a ni lo tih a sawi a, Zofa zawng zawng huap ramri nei lo a ni, a ti a. Hemi avang hian an Sorkar pawh Sorkar danglam State leh International ramri pela Zofate hmasawnna ngaihtuahtu a ni a, ram danga cheng zofate nen inkungkaihna \ha a awm theih nan Chief Minister Pu Zoramthanga kaihhruai sorkar chuan Budget-ah sum dahin hma ala dawn tih a sawi.
Inkhawm hi an pawl PAC member Pu K Vanlalauva’n a kairhuai a ni.
