SAI Hostel Mission Venthlang-a awm mek infiammi kum 14 leh kum 21 inkar, mi 67 te hian vawiin khan Aizawla chanchinbumite kawmin an harsatna tawh hi an auchhuahpui a, anmahni theihna zawna thuneitute hnena an harsatna an lo thlen tawh te chuan awmzia a nei thei lo tih an sawi a, inbualfaina leh insukna tur chu sawi loh, tui thianghlim in tur pawh an tlak chham deuh reng thu te, an tui dawn chhun pawh a thianghlim loh thu te an sawi a, ei leh in an dawn pawh Centre danga an dawnte nena khaikhinin a chhe bik hle tih an sawi.
Infiammite hian an hostel awmna a hlat avanga zan lama an practice haw lamin harsatna an tawh \hin thu te, zing lama practice \hinte pawhin school kal nghal a \ul \hin avang leh hostel-a haw lehna hun a awm loh vanga chaw an nghei nilen fo \hin thu te an sawi a, sports decipline hrang hrang-a an mamawh hmanrua leh bungrua an dawn dan a mumal loh thu te, Taekwando leh Wrestling bikah kum 2016 a\ang tawha coach an neih tawh loh thu te an sawi a, heng an harsatna te hi Aizawl Centre enkawltu Sr Coach Manmohan Singh hnenah \um tak tak an thlen chungin awmzia a neih loh thu an sawi a, hmarchhak biala SAI hmunpui Imphal-a an thlen pawhin awmzia a nei thei lo a ni an ti.
SAI Aizawl Hostel ah hian sports discipline hrang hrang 7, Boxing, Karate, Judo, Taekwando, Sepak Takraw, Wrestling leh Weighlifthing zirlai hostel-a awm chilh naupang 67 an awm mek a ni.
