Hetihlai hian inkharkhip kar hnih dang pawhsei chungchangah Parliament-ah an inhnial nasa hle. Spain-ah hian naupangte chu pawn chhuak lo tura tih an ni a, Thawhlehni khan sorkar chuan ngenna thawm riva a nasat avangin naupangte pawn chhuah khapna chu a sut a, amaherawhchu, an chhungte tel lovin an chhuak thei lo thung a ni. Naupang pawn chhuah phalsakte hi kum 14 chin hnuailam te an ni a, puitlingin an hruai a ngai thung.
Hetihlai hian Romania-ah chuan inkharkhip bawhchhiaa pawn chhuakte pawisa chawi tlingkhawm chu thla khat chhungin pound maktaduai 78 a tling a, Russia-ah chuan inkharkhip khauh zawka kalpui zel a nih dawn avangin an khawpui Moscow-ah chuan pawn chhuah phalna digital permit chu lirthei tinah traffic camera hmangin an endik tawh dawn a ni. France khawpui Paris daifema Villeneuv-la-Garenneah chuan mipui kharkhip thupek khauh tak sorkarin a siam avangin a zawnin zan li chhung buaina a chhawk tawh a ni.
Kumin September thlaa Germany khawpui Berlin-a Berlin Marathon neih tur chu \hulh a ni a, October ni 24 thleng mipui punkhawm sorkarin a khap zui a ni.
