Unau phir pakhat zawk, Katy Davis, kum 37 mi hi naupang enkawl-a nurse hna thawk a ni a, Southampton General Hospital-ah a thi a, a phirpui, Emma pawh nurse hlui a ni a, Katy thih hma ni, nimin khan General Hospital-ah a thi a ni.
Katy leh Emma te unau hian coronavirus an kai tih a rualin finfiah a ni a, an kai a\anga a ni thumnaah an thi a ni.
An unaunu Zoe chuan a unau phirte chu khawvela an pian chhuah rual ang bawkin khawvel an chhuahsan rual leh a ni a ti a, an damlai khan an cheng dun a, pakhat a nuamsam loh veleh pakhat zawk chuan a zui ve nghal zel \hin tih a sawi.
Southampton NHS Foundation Trust University Hospital chief Executive Paula Head chuan Katy chu a thawhpui a nih thu leh a enkawl damlote tan entawn tlak tak a nih thu a sawi a, damdawi ina an damlo enkawlte leh an thawhpui dangte aiawhin a kalsan tak a chhungte an tawrhpui thu a sawi a ni.
