South Tuipui bialtu, Health Minister Dr.R.Lalthangliana hmalakna in Block-I MNYF Hnahthial in vawiin khan Hnahthialah a thlawna thisen pek runpui an buatsaih a, mi 70 in thisen an pe a, an zinga 8 chu Hmeichhia an ni.

Hemi puala inkhawm tawi neihah MNF Gen Hqs Adviser Pu Vanlalhnema’n thu sawiin MNF party-in Pathian malsawmna nasa tak a dawng a ni a ti a, an bialtu Dr.R.Lalthangliana hmalakna avangin an bialin hmasawnna hmelthar duhawm tak tak a hmu tawh a ni a ti. Lunglei Civil Hospital a thawktu ten thisen hi an lak sak a ni.