Puan tawh angin Moon hi nuclear ralthuam tirem tura US leh North Korea-te indawrna chhunzawm dan sawipui tura zin a ni a, vawiin khan Pyongyang khawpui hi Kim nen hian an fang dun nghal a ni. Kim chuan Moon nena an inkawm hian a hma a rang leh hlawk zawk rah \ha a chhuah ngei a beisei thu a sawi a, ram dang hmasawnna ngah tawh tak takte nen khaikhin chi an nih lo na in, an thinlung taka an lo lawm thu Moon hi a hrilh bawk a ni. Moon hi US President Donald Trump pawhin North Korea nen an inbiakna kal zelah hian palai ber ni turin a lo sawm ve tawh bawk a, US leh North Korea te hi an inbiak chhunzawm theih chuan hlawhtlinna kawng an pan ngei a beisei thu Moon pawh hian a sawi ve bawk a ni.
