South Korea President-in hnathawh hun darkar tihtlem dan tur ngaihtuah

South Korea President, Moon Jae-in chuan an mite thawkrim lutuk tihziaawm nan, an hnathawh hun darkar tihtlem dan tur a ngaihtuah mek a, hnathawh tam leh darkar tam tak tak hnathawh chu sum leh paia ram hmasawn nan \angkai hle mah se, nau piang an tlem phah a, nghawng \ha lo dang pawh a nei nia ngaih a nih avangin, sorkarin hnathawh darkar hi tihtlem a duh a ni. South Korean mite hi kum khatah darkar 2,069 hnathawka ngaih an ni a, Organisation for Economic Co-operation and Development member ramte zingah Mexico tih loh-ah chuan hnathawk nasa ber an ni. Rorel lai pawl leh eptu pawlte chuan November thla khan, chawlhkar khata hnathawh hun, darkar 68 chu darkar 52 ni tawh se, tiin a thuphungin inremna an siam a, chawlhkar tawpa hnathawkte chu an hlawh, zaa 50 p>k belh ni se an ti bawk a, President Moon-a hian inthlan campaign-naah pawh hnathawh hun tihtlem hi a tiam a ni. Mahse hnathawktu pawlte chuan chawlhkar tawpa hnathawh hlawh, zaa 50 p>k belh tumna hi zaa 100 ni zawk se an ti a, inremna an la nei thei lo a ni. South Korea rama dawr lian, Shinsegae Group chuan an hnathawkten chawlhkar khata hna an thawh chhung, darkar 40 chu darkar 35-ah tihhniam a tum thu a lo sawi tawh a, kum thar atang chuan, an hlawh titlem chuang lovin an hnathawkte hi chawlhkar tin, hun awl darkar 5 p>k an tum thu an sawi.