South Korea Ministry of Defence tarlan danin Russia-in enthlakna atana a hman thlawhna A-50 hi South Korea awp, Dokdo thliarkar chungah a thlawk lut a, he thliarkar hi Japan pawhin a chuh ve mek lai a ni. South Korea indo thlawhna te hian Russia thlawhna tih\haih nan silai vawi 360 an hmet puak a ni.
Russia chuan South Korea ram huam chhung tibuai turin thlawhna a tir lo tih sawiin, tuipui chungah thlawhna te chuan indo nunchan an zir niin a sawi. Hetianga inepna hi Russia leh South Korea inkara a thlen vawi khatna a ni.
South Korea Military chuan a ram chhunga thlawhna thlawk nia a chhalte zinga pathum chu Russia thlawhna a ni a, pahnihte chu China indo thlawhna a ni tih sawiin an zinga Russia thlawhna pakhat chu thlawk fal deuhin an ram awp chinah a thlawk lut tih a sawi.
South Korea-a National Security Office hotu, Chung Eui-yong chuan Security Council of Russia chu mumal taka thil ti turin a hriattir a, hetiang thil hi a thlen nawn leh chuan na taka an chet tur thu a hrilh a ni.
