Shin Ok-ju hian kum 2014 khan Grace Road Church a din a, Shin hian khuarel chhiatna laka an himna tur a ngaihtuah vangin amah zuitu mi 400-te chu Fiji-ah a dah niin a sawi.
A mi hren te hi Shin chuan an passport a laksak vek a, an zinga \henkhat chuan thil \ha lo tak tak sawi luih tir an ni \hin tih an sawi a, tharum thawha buaina an chawh chhuah fo \hin thu leh nasa tak vuak leh sawisak an tawrh \hin thu te an sawi a ni. Nikum July thla khan Shin hi Police-in an man a, Grace Road Church-a thuneitu dang te pawh man a, thiamloh chantir an ni bawk.
Thawh\anni khan South Korea Court-in Shin chu thiam loh chantirin, tharum hmanga mi beih, naupang kumtling lo chhawr leh inbumna thubuai te awrh tir a ni.
Grace Road Church hi South Christian pawl lian ber a\anga kalpeng a ni a, Shin hian khawvel pumah \am a thleng dawn a, chutih hunah chuan amah zuitute chu Fiji-ah him takin an awm tih a sawi \hin a ni.
Suva khaw bulah in pakhat biak in atan an luah hawh a, sumdawnna lian tak dinin, Shin hian amah zuitute chu a chhawr nghal a ni.
Sumdawnnaah a hlawntlin zel avangin Fiji sorkar chuan contract hna hrang hrang a thawh tir \hin a, prime minister hnen a\angin sumdawnna kawnga hlawhtling chawimawina pawh a dawng tawh a ni.
