He pawl hian North Korea tlan chhiatsantu mi chi hrang hrang 610 zet kum 4 chhungin an interview kual a, kum 10 tel tam tak chhunga rawng taka sorkarin mi a tih hlum dan te an chhinchhiah a, bawng rua puh te leh South Korea TV channel en-a puh te thlengin tih hlum zingah an tel tih an sawi.
Hetianga sipaiten mi an tih hlumna \hinna hmun te hi lui kam te, sumdawnna hmun te, zirna in leh khelmual te a ni an ti a, mi tih hlum an nih lai thlir tur hian mi sang chuang te an pungkhawm \hin niin an sawi a, chhungkua-a thi tura an chungthu rel tawhte zingah an chhungte tih hlum naupang thlir tir te pawh an awm tih report ah hian tarlangin, tih hlumte ruang phumna hmun puanzar a ni ngai lo nia tarlan a ni bawk.
