Coronavirus leng vangin ram hrang hrangten sum dehchhuah kawngah harsatna an tawk chho mek zel a, India, Bangladesh, Sri Lanka leh Pakistan ramah te hri leng kai la tlem mahse, mithiamte chuan heng ram te hi hri inkaidarhna hmunpui a ni thei tih an sawi lawk a ni.
World Bank chuan South Asia chu khualzin tlawhtu tur an awm tawh loh vang te, insumdawntawnna a awm tawh loh vang te in sum haichhuaktuten chhiat lam an pan zel tih a sawi a, South Asia ram sum leh pai \hanna tur chu a tirah za zela 6.3 ni turin World Bank hian a chhut laiin, za zela 2.8 ni turin a chhutsak a ni.
World Bank chhut danin hrileng vanga sum leh pai-a tuar na ber tur chu Maldives a ni a, South Asia-a economy lian ber, India \hanna tur chu zaa 1.5 vel chauh a ni phak dawn a ni.
