Pawngsual tuartu hian kum 14 mi anih lai a\angin an pastor in a pawngsual \hin niin a sawi a, he pastor, TV lama Pathin thu hriltu lar tak, Timothy Omotoso-a aiawha ding, Ukil chuan pawngsual tawktu hi thu khirh khan chi hrang hrang a zawt kual chiam a, hei hian mipui te a ti thinrim zual a ni. Omotoso-a enkawl, tuipui kam Port Elizabeth-a awm biakin hi mipui thinrimin an khar sak nghal a, pawngsual tuartu tuna kum 22 mi ni tawh Cheryl Zondi hian court-a a din hmain vauna nasa tak a tawk nia sawi a nih bawk avangin mipuite an thinrim zual a ni. South Africa ah hian pawngsual thubuai nitin 100 chuang lut ang a ni a, tuna mi hi thubuai ngaihven hlawh zual zingah TV a live-a pek chhuah hmasak ber a ni. An ram hruaitu ropui Nelson Mandela tunu, Ndileka Mandela chuan kum 2017 khan a bialpa hluiin a pawngsual tih a sawi chhuah South Africa ram hmeichhiate hian rorelna dik duhin aw an chhuah nasa zual a ni. Pawngsualtua puh Omotoso leh amah puitua ngaih hmeichhe dang pahnihte chu pawngsual leh hmeichhe zahawmna tih bawrhban te bakah mihring hmanga sumdawnna thubuai chi hrang hrang 97 awrhtir an ni.
