South Africa Police te chuan Ajay Gupta man theihna warrant an nei tih an sawi. President atanga bang ta, Jacob Zuma thurualpui hnai tak, India mi Ajay Gupta hi tunah a tlan bo mek a ni. Nilaini khan South Africa Police misual hnu chhui thiam bik, The Hawks chuan Gupta chenna hi hi dapin mi 3 an lo man tawh a, chhungkaw hotupa ber Ajay Gupta hi a awmna chin hriat lovin amah vengtu thahnem takte nen a bibo mek a ni. The Hawks hotu thenkhat chuan Ajay Gupta hi a tlan bo avangin amah man theihna tur Warrant hi an la ta tih an sawi a, Ajay Gupta tupa pakhat Verun Gupta chu vawiin khan Bloemfontein Magistrate hmaah a inlan a, a lakah hian eiruk thubuai bakah rukruk leh mi bum thubuai te siam a ni.
Chanchin Thar South Africa Police-ten Ajay Gupta man theihna warrant nei
