Nilaini-a vote thlak zawh anih hnuah inthlan neihna district zaa 95-a vote tla te chhiar a ni a, hetah hian sorkar dinglai African National Congress te’n zaa 57.73 in hma an hruai a, mithiamte chhut dan chuan vote tla, a vaia belhkhawm a nih hunah zaa 50 ai tam an hmu dawn a ni. Vote hmuh dan azirin parliament-a seat hi pek a ni dawn a, member ngah ber te’n President an thlang ang a, May ni 25 khian lakluh a ni ang
President Jacob Zuma chu kum 9 ro a rel chhungin eiruk thubuai engemawzat a neih avangin ANC chuan tihluihnain nikum khan an bantir a, hemi hnu hian kum 66 mi Ramaphosa hian President nihna a chelh a ni.
