Kruger National Park-a hotupa, Glenn Phillips chuan park-a enkawl lai ramsate chu mihring tana hlauhawm thei an nih thu leh thil thleng hiam a hlauhawmzia a finfiah nia a hriat thu a sawi a, sapelh tum an man tak pali te Police-te’n thu an zawhfiah hnuah saiin a beih thu te leh an \hian pakhat chu a thih thu hriatchhuah a ni chauh a, miin an hmuh mai beiseiin a ruang hi kawnglaiah an hnutchhiah niin an sawi bawk a ni. Thuneitute’n sapeltu ruang hi ni 2 an zawn hnuah an hmuh chauh thu leh awle lei tia an vuah, Crocodile Bridge bualh a ruang hi hmuh a nih thu leh helai hmun hi sakeibaknei rual awmna hmunpui a nih thu an sawi a, a luruh leh a kekawr chiah sakeibaknei te hian an hnutchhiah a ni.
Sapeltu 4-te kut a\ang hian silai leh a mu man a ni a, kal phal lohna hmuna luh ruk leh ramsa humhalh pelh ruk thubuai siam sak an ni.
South Africa-ah hian khawvela samak awm zawng zawng zaa 80 an awm a, samak humhalhtu pawl Save the Rhino te sawi dan chuan ramsa humhalh pelh rukna hi tlahniam ve tial tial mahse tun kum 10 kalta khan samak 8,000 chuang thah an nih thu an sawi a, a bik takin 2013 leh 2017 inkar khan a hluar zual a, South Africa-ah hian kum khatah samak 1,000 chuang thah an ni a, a chanve ai tam chu Kruger National Park-ah hian thah an ni.
