Sorkarin thlathar ni 9-13 chhunga Mizoram State Games a buatsaih turah MLA leh Consituency aiawhte chu Taxation Conference Hall-ah vawiin khan an \hukhawm. Meeting-ah hian Mizoram State Games atana MLA bial hrang hrangte inbuatsaih tawh dante thlir ho a ni a, hmachhawp hrang hrang tihthlawhtlin dan turte an sawiho a ni.

|hutkhawmna kaihruaitu Sport Minister Pu Robert Romawia Royte chuan, Mizoram State Games chu Sports lamah Mizoram dinhmun diktak hre chiang a, National Level-a invawrh chhuah theih dan tur ngaihtuahna hunpui pawimawh tak a ni dawn a ni a ti. Pu Robert Romawia Royte hian, Mizoramin Sports policy a nei dawn ta chu mellung pawimawh tak a tling tih a sawi a, hei bakah MLA Fund pawh Sports atan hman theih turin ruahman a ni a ti. Mizoram State Games neih turah hian infiamna hrang hrang 32 ah Event 221 a awm dawn a ni.