Hemipuala inkhawm tawi buatsaihah Minister chuan, retailer kaltlanga supply department-in mipui hnena chini a sem \hin hun engemaw chen tihtawp a nih hnuah bul \an a ni leh dawn ta chu thil chhinchhiahthlak tak a nih thu a sawi a, hei hi Chief Minister Pu Zoramthanga kaihhruai sorkarin a ngaihpawimawh leh inthlan laia an intiamna a nih angin an tihlawhtling ta a ni, a ti. Pu K. Lalrinliana chuan, Sorkar laipui a\anga Allocation an hmuh angin Chini hi AAY Beneficiary te hnenah thla tin chhungkaw khat tan Kg. 1 zel sem rih phawt a ni dawn a ni, a ti. Ration Chini sem tur hi MIZOFED-in a supply a, kumin March thla khan supply order tihchhuah ni mah se, Lok Sabha inthlanpui neih a nih avangin hmalak nghal mai theih a ni lova, Minister-in vawiina ration chini sem tur a vailiam hi thla 3, January a\anga March thla chhung pek tur a ni.
Supply Department chhinchhiah danin man tlawm zawka Chini lei thei tur AAY Beneficiary hi Aizawl West DCSO huam chhungah chhungkaw 3269, Aizawl East hnuaiah chhungkaw 3815, Champhaiah chhungkaw 3558, Kolasibah chhungkaw 2322, Lawngtlaiah chhungkaw 2220, Lungleiah chhungkaw 4056, Mamitah chhungkaw 1878, Siaha-ah chhungkaw 2285 leh Serchhip DCSO hnuaiah chhungkaw 1958 an awm a. Heng mite hian thla tin Chini Kg. 1 Rs. 24-in an lei thei dawn a ni.
Vawiina Minister-in Ration Chini sem tur a vailiam hi Aizawl North III bialtu MLA, Pu C. Lalmuanpuia, Serlui bialtu MLA, Pu Lalrinsanga Ralte leh Department hotuten an \awiawm a ni.
